,,გეოგებრა"

20.07.2017

       GeoGebra  მათემატიკური კომპიუტერული პროგრამაა. პროგრამა  GeoGebra შეგიძლიათ  გამოიყენოთ  მათემატიკისა და ზოგიერთი სხვა მომიჯნავე დისციპლინების სწავლებისას, როგორც სწავლების საბაზო ასევე საშუალო საფეხურზე. აქტივობების ერთობლიობა საშუალებას იძლევა გამოვიყენოთ პროგრამა, ასევე თვით უნივერსიტეტის საწყის კურსებზე. აქ მოცემულია გეომეტრიული ხელსაწყოები, ალგებრული გამოსახულებების შეტანის ფორმატი და პროგრამის ინტერფეისის სხვადასხვა ელემენტი. მასალა მოიცავს მრავალფეროვან მათემატიკურ საკითხებს, რომელთა დახმარებითაც შესაძლებელია პროგრამული უზრუნველყოფის მრავალმხრივი შესაძლებლობების შესწავლა და მისი გამოყენებით შექმნილი მასალის ინტეგრირება სასწავლო პროცესში.          GeoGebra არის დინამიური მათემატიკის პროგრამული უზრუნველყოფა, რომელიც აერთიანებს გეომეტრიას, ალგებრას და კალკულუსის ელემენტებს. გარდა ამისა, იგი არის გეომეტრიის ინტერაქტიული სისტემა. მისი საშუალებით შეგვიძლია შევასრულოთ გეომეტრიული აგებები წერტილების, მონაკვეთების, წრფეების, მრავალ-კუთხედების, ვექტორების და კონუსური კვეთების გამოყენებით. გარდა ამისა, შეგვიძლია ავაგოთ ფუნქციების გრაფიკები და შევასრულოთ პროცედურები, რომლებიც მათანალიზის საკითხებთანაა დაკავშირებული. რაც ყველაზე მნიშვნელოვანია, პროგრამა საშუალებას გვაძლევს რომ  პარამეტრების სხვადასხვა მნიშვნელობებისათვის  დავაკვირდეთ ობიექტების ცვლილებას.         გარდა იმ აგებებისა, რომლებიც ხელსაწყოების საშუალებით ხორციელდება, ასევე შესაძლებელია კოორდინატებისა და განტოლებების შეტანა ბრძანებების ველის გამო-ყენებით. ამიტომ, პროგრამა იძლევა რიცხვებთან, ვექტორებთან, წერტილებთან და სხვა ობიექტებთან დაკავშირებული ცვლადების გამოყენების საშუალებას. მისი გამოყენებით შესაძლებელია წარმოებულების, ინტეგრალების გამოთვლა და სტატისტიკასთან დაკავშირებული პროცედურების შესრულება.

გადადით ბმულზე:

https://www.geogebra.org/